WANAFUNZI WALIOCHAGULIWA KUJIUNGA KIDATO CHA TANO 2014 AWAMU YA PILI

JAMHURI YA MUUNGANO WA TANZANIA

OFISI YA WAZIRI MKUU - TAWALA ZA MIKOA NA 

SERIKALI ZA MITAA

UCHAGUZI WA WANAFUNZI KIDATO CHA TANO 2014 

AWAMU YA PILI

Ofisi ya Waziri Mkuu Tawala za Mikoa na Serikali za Mitaa imetangaza majina ya wanafunzi waliochaguliwa kujiunga na kidato cha tano 2014 awamu ya pili.Wanafunzi 8,101 wamechaguliwa kujiunga na kidato cha tano awamu ya pili 2014, kati ya hao 4,987 wamepangwa tahasusi za sayansi ya jamii na biashara na wanafunzi 3,114 wamepangwa tahasusi za sayansi. Wanafunzi hawa wanatakiwa kuripoti kwenye shule walizopangiwa kuanzia tarehe 01 Septemba, 2014 na mwisho wa 

kuripoti ni tarehe 15 Septemba, 2014.

Imetolewa na Katibu Mkuu

OFISI YA WAZIRI MKUU – TAMISEMI

29 AGOSTI, 2014

 WASICHANA BOFYA HAPA

WAVULANA BOFYA HAPA

WALIMU KUANDAMANA NCHI NZIMA, SABABU ZA KUANDAMANA BOFYA HAPA

BARAZA la Taifa la Chama cha Walimu Tanzania (CWT), limetoa siku 14 kwa wakurugenzi wa halmshauri nchini kuwapa barua za kuwapandisha vyeo walimu wanaostahili la sivyo watafanya maandamano nchi nzima.

Akizungumza na waandishi wa habari jijini Dar es Salaam jana, Rais wa CWT, Gratian Mukoba, alisema maazimio ya baraza hilo yalifikiwa tarehe 28 mwezi uliyopita mkoani Morogoro.

Mukoba, alisema ifikapo Septemba 15 mwaka huu kama wakurugenzi watakuwa hawajawapatia walimu wanaostahili barua za kuwapandisha vyeo, basi watarajie maandamano ya walimu kwenye ofisi zao.

“Baraza limetoa siku 14 kuanzia siku ya kikao na ifikapo siku ya tarehe 15 kama walimu wanaostahili kupandishwa vyeo watakuwa hawajapewa barua zao, kutafanyika maandano ya nchi nzima kuelekea kwa wakurugenzi wa halmashauri kudai barua hizo, hatupendi hali hii itokee lakini hatufurahishwi na hali ya kutojali haki zetu,” alisema Mukoba.

Aidha, Mukoba alisema Baraza limekemea tabia ya serikali ya kuwanyang’anya walimu madaraja ambayo tayari wamekwishayapokea kwa kisingizio cha kutokuwapo fedha za kulipa.

Alisema hata nyongeza ya mishahara iliyotolewa Julai mwaka huu imepingwa na walimu nchi nzima, kwani mbali ya kuwa ndogo sana imetolewa kwa upendeleo na walimu wanataka kujua ni kwanini watumishi wengine waongezwe kwa asilimia kumi na walimu asilimia 6.35.

Chanzo: Tanzania Daima

MUONEKANO MPYA WA MANYONI MJINI KATI BAADA YA BARABARA KUWEKWA LAMI

TAZAMA MWENEKANO MPYA WA MAENEO YA MANYONI, MJINI KATI BAADA YA KUTANDIKWA JAMVI {LAMI}

Picha na Mwl. Venance

Kabla changarawe kumwagwa

Baada ya changarawe kumwagwa

Ujenzi bado unaendelea...

MATOKEO YA KIDATO CHA IV NA VI KUPANGWA KI-GPA

BARAZA la Mitihani la Taifa (NECTA), limetangaza mfumo mpya wa upangaji wa madaraja ya ufaulu kwa kutumia wastani wa pointi (GPA) ambao utaanza kutumika katika mtihani wa kidato cha nne 2014 na cha sita 2015.

Akizungumza na wahariri wa vyombo vya habari jana jijini Dar es Salaam, Katibu Mtendaji wa NECTA, Dk. Charles Msonde, alisema kuwa mfumo huo umekuwa ukitumika katika kupanga madaraja ya ufaulu katika baadhi ya mitihani inayosimamiwa na baraza hilo.

Alisema manufaa yake ni kuwa na mfumo wa kutunuku matokeo wa ina moja katika ngazi zote za mafunzo kuanzia elimu ya msingi hadi elimu ya juu; matokeo yaliyo katika mfumo huo kwenye cheti yatarahisisha kazi ya udahili wa watahiniwa unaofanywa na Tume ya Vyuo Vikuu (TCU) na NACTE katika ngazi za juu za mafunzo.

Pia aliongeza kuwa mfumo wa GPA ni rahisi kuelewa kwa wadau wa kada mbalimbali kwa sababu hutoa tafsiri yenye kuonesha mtahiniwa aliye na GPA kubwa ndiye aliye na maokeo mazuri.

Kwa mujibu wa Dk. Msonde, madaraja katika mfumo wa GPA hupangwa katika utaratibu wa Distinction, Merit, Credit na Pass ambapo daraja la juu ufaulu ni Distinction na la chini ni Pass.

Kulingana na utaraibu huo, daraja la Distinction litakuwa na alama kati ya 3.6-5.0, Merit 2.6.3.5,Credit 1.6-2.5, Pass 0.3-1.5 na Fail 0.0-0.2 kwa matokeo ya kidato cha nne wakati wa kidato cha sita Distinction ni kati ya 3.7-5.0, Merit 3.0-3.6, Credit 1.7-2.9, Pass 0.7-1.6 na Fail 0.0-0.6.

“Ukokotoaji wa wastani wa pointi (GPA) ya mtahiniwa hufanywa kwa kuzingatia masomo ambayo mtahiniwa amefaulu. GPA anayopata mtahiniwa wa mtihani wa kidato cha nne hutokana na wastani wa pointi alizopata katika masomo saba aliyofaulu vizuri wakati kwa kidato cha sita ni masomo matatu,”alisema

Via: Tanzania Daima

HATARIIII! MFANYAKAZI WA NDANI {HOUSE GIRL} ACHOMWA MOTO SEHEMU ZA SIRI KISAAAA!

Huko mkoani Arusha mfanyakazi wa ndani (House Girl)  amechomwa moto na bosi wake kwa kosa la kukojoa kitandani. Jionee mwenyewe unyama aliofanyiwa huyu dada, TUNAOMBA RADHI KWA PICHA....

Chanzo: wanawakelivetv.com

KUFUATIA MALALAMIKO YA BAADHI YA WATU BARAZA LA MITIHANI LA TAIFA (NECTA) KUTOJUMUISHA MASOMO YA DINI KUPANGA MADARAJA, HUU NDIYO UFAFANUZI WA NECTA

BARAZA LA MITIHANI LA TANZANIA

UFAFANUZI KWA UMMA KUHUSU KUTOJUMUISHWA KWA ALAMA ZA MASOMO YA HIARI KATIKA MATOKEO YA MTIHANI WA KIDATO CHA SITA 2014

Baadhi ya wadau wamekuwa wakitaka kujua utaratibu uliotumika kukokotoa pointi za madaraja katika matokeo ya Mtihani wa Kidato cha Sita (ACSEE) 2014. Hii imetokana na kuona kuwa kuna baadhi ya masomo hayakujumuishwa katika kupata idadi ya pointi kwa watahiniwa wa Tanzania Bara na wale wa Zanzibar.

Baraza la Mitihani la Tanzania linapenda kuwajulisha wadau wote kuwa ukokotoaji wa pointi za madaraja kwa watahiniwa wa Mtihani wa Kidato cha Sita huzingatia masomo ya Tahasusi (Subject Combinations) aliyoyasoma mtahiniwa kama ilivyobainishwa katika Kanuni za Mitihani (The Examinations Regulations) Toleo la mwaka 2013 kifungu cha 23(1) kinachosomeka:

 “The Advanced Certificate of Secondary Education shall be awarded in four Divisions to both schools and private candidates who have conformed to entry requirements and have fulfilled the conditions of the awards. Calculations of points shall be done based on Subject Combinations approved by the Ministry of Education”,

Masomo ya Tahasusi (Subject Combinations) yanayotumika kukokotoa alama za madaraja  yamebainishwa katika Waraka Namba 1 wa mwaka 2006 wa Wizara ya Elimu na Mafunzo ya Ufundi  na Waraka Kumb. Namba P33/8/53/Vol.I/44 wa mwaka 2012 wa Wizara ya Elimu na Mafunzo ya Amali, Zanzibar.

Baadhi ya Tahasusi zinazotumika Zanzibar zinatofautiana na zilizopo Tanzania Bara, ambapo kwa Zanzibar zipo baadhi ya Tahasusi zenye kuhusisha masomo ya hiari. Masomo ya hiari ambayo husomwa na baadhi ya watahiniwa ni  pamoja na General Studies (GS), Islamic Knowledge, Basic Applied Mathematics (BAM), Divinity, Computer Studies na Arabic Language. Hata hivyo, Baraza la Mitihani hufanya tathmini na kutunuku ufaulu kwa masomo yote ya hiari ya mtahiniwa katika cheti chake ili kimsaidie katika udahili wa ngazi mbalimbali za mafunzo kulingana na matakwa ya sifa za mafunzo husika.

Taarifa za kina kuhusu utaratibu wa kutunuku matokeo ya Kidato cha Sita zipo katika kitabu cha Mwongozo wa Matumizi ya Viwango vya Ufaulu na Utaratibu wa Kutunuku Matokeo ya Kidato cha Nne na cha Sita kilichotolewa mwaka 2014. Aidha, kitabu hicho kilikabidhiwa  kwa Wakuu wa Shule zote za sekondari Tanzania Bara na Zanzibar. Pia kitabu hicho kinapatikana kwenye tovuti ya Baraza la Mitihani la Tanzania (www.necta.go.tz).

Baraza la Mitihani la Tanzania linawaomba wadau wasipotoshwe na taarifa ambazo zinasambazwa  katika baadhi ya vyombo vya habari na mitandao ya kijamii ambazo zina lengo la kupotosha Umma.

Imetolewa na,

AFISA HABARI NA UHUSIANO



KIBONDE ALIVYOJIFANYA MBABE KUMBE NI KIBONDE TU! INGIA HAPA KUSOMA NA KUTAZAMA PICHA AKIPEWA KIBANO



Watangazaji wawili wa Clouds FM, Ephrahim Kibonde na Gadna Habash wamekamatwa na polisi kwa madai ya kusababisha ajali na kutoa lugha ya matusi kwa polisi.

Kibonde na Gadna wanadaiwa kusababisha ajali hiyo jana katika eneo la Makumbusho, Wilaya ya Kinondoni jijini Dar es Salaam.

Kibonde ndiye alikuwa dereva wa gari linalodaiwa kusababisha ajali hiyo kwa kugonga gari la raia wa kigeni na kukimbia wakati askari wa usalama barabarani (trafiki) walipofika kupima ajali hiyo.

Kamanda wa Polisi Mkoa wa Kipolisi Kinondoni, Camilius Wambura alithibitisha kukamatwa kwa watangazaji hao, “Ni kweli tunawashikilia watangazaji hao kwa kosa la kukaidi amri ya polisi, bado tunawashikilia mpaka sasa.”

Ilidaiwa kuwa gari la Kibonde iligonga gari hilo kwa nyuma na trafiki walipofika ili kupima alikimbia, ndipo trafiki walipotumia gari lililogongwa kumfukuzia na kufanikiwa kumkamata.

Akisimulia kisa hicho polisi wa kike katika Kituo cha Oysterbay ambaye hakutaka kutajwa jina lake, alisema Kibonde alikataa kutii sheria bila shuruti kwa kivuli cha umaarufu alionao.

“Hawa wanashikiliwa kwa kosa la kuvunja sheria za barabarani, Kibonde alikuwa anaendesha akiwa amelewa na kusababisha ajali, kama haitoshi walikimbia na kuwatolea polisi lugha chafu za matusi jambo ambalo  ni kinyume na sheria,” alisema askari huyo.

Alisema walipoanza kuwafukuzia waliwakamata Kituo cha Mwenge na trafiki aliingia katika gari lake na kumwomba arudi eneo la ajali ili wakapime ajali. Kibonde aligoma na kumtaka trafiki ashuke katika gari lake, trafiki naye akagoma kushuka.

“Kibonde alikaidi tena na kuondoa gari na kuendelea na safari yake wakati trafiki akiwa ndani ya gari hiyo, aliwasiliana na wenzake ambao walianza kuifuatilia gari hiyo, walipofika eneo la Ubungo mataa, trafiki mwingine aliisimamisha gari na Kibonde alikaidi kusimama, akiwa katika hali hiyo kuna gari ilitokea ikakatisha kati ya trafiki na gari hiyo ndiyo kikawa kigingi cha gari ya Kibonde na kutiwa mbaroni,” alisema polisi huyo.

Baada ya kukamatwa, Kibonde na abiria wake walifikishwa katika Kituo cha Polisi Urafiki Ubungo saa 7:00 asubuhi na baadaye saa 8:00 asubuhi walihamishiwa katika Kituo cha Oysterbay.

Mkuu wa Kituo cha Polisi Osterbay, Victor Samata aliliambia gazeti hili kuwa suala hilo lipo juu ya uwezo wake kulizungumzia kwani yeye siyo msemaji, hivyo kumtaka mwandishi amtafute msemaji wa kituo hicho.

“Sidhani kama hili ni suala la kulijadili, isitoshe mimi siyo msemaji wa hapa ingefaa atafutwe msemaji kulizungumzia hili,” alisema Samata.

Habari kutoka: www.mwananchi.co.tz picha kwa hisani ya mitandao ya kijamii 

SHIBUDA, ARFI NA LETICIA SAFARI HIYO YA KUTIMKIA ACT-TANZANIA, CHABATIZWA 'CHAMA CHA WASALITI TANZANIA'

Kwa sasa wanachama wa CHADEMA wanaoonekana ni wasaliti wakitimuliwa CHADEMA hujiunga na ACT-Tanzania ambacho kimbatizwa jina la 'Chama cha wasaliti-Tanzania' kwa haliinavyoelekea huenda hawa nao akina Shibuda, Arfi na Leticia wakatimkiwa huko au watakuwa wanachama wa Mahakama.

CHADEMA kuwatosa Shibuda, Arfi, Leticia

• Lissu asema hawavumiliki, CUF yawakana waasi
• Bunge lawatilia shaka, lazuia wasilipwe posho

 

CHAMA cha Demokrasia na Maendeleo (CHADEMA), kimesema kuwa kitawafukuza wabunge wake, John Shibuda (Maswa Magharibi), Said Arfi (Mpanda Mjini) na Leticia Nyerere (Viti Maalum) baada ya kujiridhisha kwamba wameshiriki vikao vya Bunge Maalum.

Hatua hiyo inakuja baada ya wabunge hao kuripotiwa kujisajili na kushiriki vikao vya Bunge hilo kinyume na msimamo wa CHADEMA kupitia kundi lao la Umoja wa Katiba ya Wananchi (Ukawa) ambalo wamesusia wakidiai CCM imechakachua rasimu yenye mapendekezo ya wananchi.

Msimamo wa CHADEMA ulitolewa jana na Mwanasheria wake, Tundu Lissu akisema kuwa Kamati Kuu ilishatoa maelekezo kwa wabunge wote, hivyo hawamuogopi wala hawataki kumwonea mtu, kwamba ndio maana wanajiridhisha kwanza.

“CHADEMA kama mshirika wa Ukawa, tuliwazia wabunge wetu wasishiriki Bunge hilo wala vikao vya kamati zake, sasa hawa waliokwenda huko Dodoma lazima waseme wako Ukawa au CCM.

“Hawa watu ni mamluki, kwa hili wala hatutahitaji kuwaita wajieleze. Tulisema wasiende, wao wakaenda. Sasa tutuchukua hatua na kama wanataka ubunge wa mahakama wataupata,”alisema.

Lissu alisisitiza kuwa wabunge hao wameonesha njaa ya ajabu ya kukimbilia posho kwani hata kama ni shida ya kukosa fedha si kwa njia hiyo ya usaliti wanaojaribu kuufanya wakidhani watakidhoofisha CHADEMA.

“Hivi nani asiyemjua Shibuda…nani hamjui Arfi tangu ajiengue umakamu mwenyekiti wa chama au nani asiyejua mwenendo wa Leticia? Sisi hatumwogopi wala hatutamwonea mtu bali siku ya kufanya hesabu ikifika, kila mmoja ataoneshwa zake na kama kuna wengine acha waende tutawashughulikia bila kujali,”alisema

Posho

Bunge Maalum la Katiba, limeamua kuzuia malipo ya posho za kujikimu kwa baadhi ya  wajumbe wa Ukawa waliojisajili bila kushiriki vikao.

Katibu wa Bunge hilo, Yahaya Hamis Hamad, alisema hatua hiyo imefikiwa baada ya kubaini wajumbe hao wanafanya hila ya kujipatia fedha bila kufanya shughuli inayotakiwa.

Alisema kuwa utaratibu huo wanaufanya kujenga uhalali wa kulipwa posho ya kujikimu ya sh. 230,000 inayotolewa kila siku kwa mjumbe aliyeko Dodoma.

Kwa mujibu wa utaratibu wa malipo ya Bunge Maalum kila siku mjumbe aliyejisajili hulipwa sh. 230,000 na atakayehudhuria kikao hulipwa sh. 70,000, hivyo kufanya sh. 300,000 kwa siku.

Hamad alisema mpaka jana asubuhi wabunge wawili wa CHADEMA, John Shibuda na Leticia Nyerere ndiyo waliojisajili lakini hawakuhudhuria vikao.

Alibainisha kuwa mjumbe mwingine kutoka Chama cha Wananchi (CUF), Clara Mwaituka naye alijisajili lakini hakushiriki kwenye vikao.

Alisema wamebaini kuwa licha ya wabunge hao kujisajili lakini walikuwa hawajalipwa fedha za siku saba kama walivyolipwa wenzao wanaoshiriki vikao.

Alisema kuwa alipokwenda kwa wahasibu kuangalia walivyolipwa Ukawa, alibaini kutofanyika kwa malipo, hivyo akaagiza yoyote atakayekuja asilipwe mpaka kuwe na uhakika wa kuhudhuria vikao.

“Kwa bahati nzuri watu wa uhasibu waliandika pembeni majina ya wajumbe wa Ukawa….hata Shibuda na Nyerere hawakulipwa, sasa tunataka tubane zaidi kukwepa ujanja ujanja,”alisema.

Katibu aliongeza kuwa Shibuda alitoa taarifa  kuwa hatoweza kushiriki kwenye vikao vya kamati kwa madai ana matatizo ya kiafya.

“Shibuda alikuja ofisini kwangu huku mguu wake ukionekana kuwa umevimba hivyo akaomba ruhusa kwenda kupatiwa matibabu, lakini hao wengine wamejiandikisha tu na kuondoka hata hivyo hawajaonekana tena,”alisema.

Hamad aliwataja wajumbe wengine kutoka Ukawa waliojiandikisha na kuhudhuria vikao vya kamati kuwa ni Fatma Mohamed Hasan na Ally Omary Juma aliodai ni wa CUF.

Tanzania Daima, liliwasiliana na mmoja wa wajumbe wa Ukawa, Ismail Jussa Ladhu, ambaye alisema wajumbe waliotajwa na Hamad, hawatoki CUF.

“Mimi naona Katiba hafuatilii vema taarifa za wajumbe wake maana aliowataja mmoja natoka kundi la 201 mwingine anatoka chama kingine cha upinzani kisichokuamo Ukawa,” alisema.

Hamad alimtaja mjumbe mwingine aliyeonekana kuwa na msimamo wa Ukawa akitokea kundi la 201 kuwa ni Jamila  Abeid, ambaye hakutaja anawakilisha kundi lipi.

Arfi awasili bungeni

Mbunge wa Mpanda Mjini, Said Arfi (CHADEMA) jana alijisajili kushiriki vikao vya Bunge Maalum huku akidai amefanya hivyo kwa kutimiza haki yake ya kimsingi.

Arfi aliwasili majira ya asubuhi na mara baada ya kukamilisha taratibu za kujisajili alisema anawawakilisha Watanzania Bara.

Alisema amepata fursa na haki ya kuwemo kwenye Bunge hilo kutokana na kuwa mbunge wa Jamhuri ya Muungano wa Tanzania.

Arfi alisema licha ya viongozi wa CHADEMA kuwataka wanachama wake wasihudhurie vikao, yeye ameamua kushiriki kwa lengo la kutimiza wajibu wake kwa wananchi waliomchagua.

Alipinga msimamo wa chama chake huku akidai kuwa vyama vinataka kupokonya mamlaka ya wananchi, kwamba iwapo wataendelea kukubali hali hiyo watakuwa wanawanyima wananchi haki yao ya msingi na kikatiba.

Via: www.freemedia.co.tz

TAMKO LA CHADEMA KUFUATIA WABUNGE WAKE KUONEKANA DODOMA



Kumekuwepo na madai yanayosambazwa kupitia njia mbalimbali za upashanaji habari kuhusu baadhi ya wabunge wa Chama cha Demokrasia na Maendeleo (CHADEMA) kuonekana mjini Dodoma au kujisajili kwa ajili ya kuhudhuria vikao vya Bunge Maalum la Katiba vinavyoendelea mjini humo.

Chama kupitia Idara ya Habari kingependa kutoa ufafanuzi kama ifuatavyo;

1. Uamuzi wa kuwataka wajumbe wa Bunge Maalum la Katiba wanaotokana na CHADEMA kushirikiana na wenzao wanaounda Umoja wa Katiba ya Wananchi (UKAWA), kutoshiriki vikao vya bunge hilo ili kuepuka kunajisi mchakato wa Katiba Mpya, ulitokana na maazimio ya kikao cha Kamati Kuu iliyoketi Julai 18-19 na kuazimia kwamba;

Wajumbe wa Bunge Maalum wanaotokana na CHADEMA, kama sehemu ya UKAWA, watarudi kwenye vikao vya Bunge Maalum endapo tu mamlaka ya Bunge hilo yatafafanuliwa kuwa ni ya kuboresha, na sio kuibomoa au kuifuta, misingi mikuu (basic features) ya Rasimu ya Katiba iliyotokana na maoni ya wananchi na kuandaliwa na Tume ya Mabadiliko ya Katiba iliyoteuliwa na Rais kwa ajili hiyo;

Wajumbe wa Bunge Maalum wanaotokana na CHADEMA, kama sehemu ya UKAWA, watarudi kwenye vikao vya Bunge Maalum endapo tu, na baada ya, ufafanuzi uliotajwa katika aya ya 2 utahusisha marekebisho ya kifungu cha 25 cha Sheria ya Mabadiliko ya Katiba, Sura ya 83, inayohusu mamlaka ya Bunge Maalum, pamoja na Kanuni husika za Bunge Maalum;

Wajumbe wote wa CHADEMA katika Bunge Maalum hawatashiriki katika kikao chochote cha Bunge Maalum au Kamati zake hadi hapo ufafanuzi wa mamlaka ya Bunge Maalum uliotajwa katika aya za 2 na 3 utakapofanyika kwa mujibu wa maazimjo ya Kamati Kuu;

Hadi wakati huu, hakuna jambo hata moja kati ya hayo lililofanyika, huku mazungumzo yaliyotarajiwa kuokoa mchakato yakiwa yamevunjika, kwa sababu CCM na Serikali yake wameamua kudharau na kupuuza maoni ya wananchi yaliyomo kwenye Rasimu ya Katiba badala yake kuweka maslahi ya chama hicho kwenye katiba.

2. Iwapo kuna mjumbe/wajumbe wa Bunge Maalum la Katiba wanaotokana na CHADEMA wameonekana wakijisajili kwa ajili ya kuhudhuria vikao vya Bunge Maalum la Katiba vinavyoendelea mjini Dodoma au watashiriki vikao vya bunge hilo au kamati zake, wataandikiwa barua ya kujieleza kisha chama kitachukua hatua kwa mujibu wa taratibu zake kupitia vikao.

3. Tunapenda pia kuwakumbusha wanachama wa CHADEMA na umma mkubwa wa Watanzania kuwa, mji wa Dodoma mbali ya kuwa Makao Makuu ya Nchi pia inapatikana Ofisi Kuu ya Bunge la Jamhuri ya Muungano wa Tanzania.

Kuendelea kwa Bunge Maalum la Katiba ambako hakujaridhiwa na Watanzania wengi, hakujazuia shughuli za Bunge la Jamhuri ya Muungano wa Tanzania kufanyika ikiwemo kutoa huduma kwa watu mbalimbali ikiwa ni pamoja na wabunge. Suala hilo linakwenda sambamba na ukweli kwamba sehemu kubwa ya watumishi wa Bunge Maalum la Katiba ni wale wale ambao wanatakiwa kuwahudumia wabunge wa Bunge Maalum la Katiba.

Hivyo kuonekana kwa mbunge yeyote wa CHADEMA mjini Dodoma au kwenye viwanja au Ofisi za Bunge la Jamhuri ya Muungano wa Tanzania hakuwezi kutafsiriwa moja kwa moja kuwa mbunge husika amehudhuria vikao vya Bunge Maalum la Katiba, kinyume na msimamo wa UKAWA.

Imetolewa  Alhamis Agosti 7, 2014 na;

Tumaini Makene

Mkuu wa Idara ya Habari - CHADEMA

NAFASI ZA KAZI

CHUO KIKUU CHA DAR-ES-SALAAM KIMETANGAZANAFASI ZA KAZI KWA KADA MBALIMBALI, NAFASI ZA KAZI ZLIZOTANGAZWA BONYEZA HAPA---> NAFASI ZA KAZI