Kufukuzwa kazi kwa aliyekuwa Mkurugenzi Mtendaji wa Halmashauri ya Wilaya ya Bagamoyo, Azimina Mbilinyi. LISSU aandika haya

By Tundu Lissu

Kufukuzwa kazi kwa aliyekuwa Mkurugenzi Mtendaji wa Halmashauri ya Wilaya ya Bagamoyo, Azimina Mbilinyi (pichani) ni dirisha lingine la kuangalia the inner workings za Tanzania ya Magufuli.

Azimina Mbilinyi alikuwa Mkurugenzi mtiifu wa maCCM wakati wa Uchaguzi Mkuu wa mwaka jana. Aliwasaidia kwa mambo mengi wakati wa kampeni, ikiwemo kuwapa pesa na mafuta kwa ajili ya kampeni zao. Kilichomshinda ni kuwashindisha uchaguzi wa wabunge wa majimbo yote mawili ya Wilaya ya Kilombero, yaani Kilombero na Mlimba.

Nguvu ya CHADEMA katika Bonde la Kilombero ilikuwa kubwa sana na kungekuwa na maafa makubwa kama angelazimisha kunyang'anya ushindi wa CHADEMA. Baadae maCCM walifungua kesi za uchaguzi kupinga matokeo ya Kilombero na Mlimba. Kama Msimamizi wa Uchaguzi, Azimina Mbilinyi alishtakiwa pia. Kwa sababu hiyo, alilazimika kuja Ifakara kutoa ushahidi kuhusu tuhuma dhidi yake na dhidi ya wagombea wa CHADEMA aliowatangaza washindi.

Mimi nilikuwa wakili wa Ambrose Juakali na nilishuhudia ushahidi wa Mama Mbilinyi na pia nilimhoji kwa kirefu sana. Ushahidi wake haukuacha chembe yoyote ya shaka kwamba kesi ile ilikuwa ni ya vihoja vya kuokoteza tu. Ushahidi huo ulikuwa msumari wa mwisho kwenye jeneza la kesi hiyo.

Jana Jaji Rugazia ameifutilia mbali kesi hiyo na leo Azimina Mbilinyi amefukuzwa kazi kwa 'utendaji usioridhisha.

'Ikumbukwe kwamba kabla ya kupelekwa Bagamoyo mama huyu alikuwa Mkurugenzi wa Halmashauri ya Manispaa ya Dodoma alikopelekwa akitokea Kilombero. Amekuwa Mkurugenzi wa Halmashauri tangu mwaka 2012. Ana shahada ya MBA in Corporate Management na Advanced Diploma in Public Administration. Kwa kumfukuza kazi mama huyu, Magufuli anatuma ujumbe kwa Wakurugenzi wengine wote aliowateua majuzi: tumieni kila hila kuhakikisha CCM inashinda uchaguzi hata kama wapiga kura hawataki. Ikitokea kuna kesi inayotuhusu mahakamani, toeni ushahidi wa uongo ikibidi ilimradi wagombea wa CCM washinde. Msipofanya hivyo Magufuli atawatumbueni majipu na kuwadhalilisha hadharani.

Endapo watamsikiliza na kufanya anavyotaka Magufuli, wasimamizi hawa wa Uchaguzi watasababisha maafa makubwa katika nchi yetu. Wakurugenzi wengi wameanza kutambua kwamba utiifu kwa maCCM hauna guarantee yoyote kwamba hautatumbuliwa jipu.

Na Magufuli anajua hilo. Ndio maana kati ya wateule wa ukurugenzi, wapo maCCM wengi waliokuwa wagombea wa Uchaguzi kwa niaba ya CCM. Licha ya Katiba kukataza, zaidi ya wateule 60 wapya ni maCCM na waligombea uchaguzi wa mwaka jana katika hatua mbali as awali. Watu hawa wanatakiwa uteuzi wao uhojiwe na utahojiwa mahakamani. Itakuwa suicidal kuruhusu Wakurugenzi wa aina wasimamie uchaguzi ujao."

TUNDU LISSU.

VUTA N'KUVUTE, MBOWE AITWA NA JESHI LA POLISI KANDA MAALUMU YA DAR ES SALAAM. KAULI YAKE HII HAPA..

Jana usiku nilipata wito nikitakiwa kwenda Polisi Kanda Maalum Ya Dar es salaam na Zonal Crime Officer Kanda Maalum ya Dar es salaam Kamanda Wambura, akihitaji nifike leo Jumamosi 30/07/2016, lakini leo nipo Marangu Kilimanjaro kuhudhuria maziko ya Baba yake mzazi Devotha Minja, Mbunge wa viti maalum kupitia CHADEMA.

Na kesho Jumapili 31/07/2016 nitakuwa katika shughuli za kuuaga mwili wa mfanyakazi mwenzetu na aliyekuwa mpiga picha wa Tanzania Daima, Ndugu Joseph Senga aliyefikwa na umauti akiwa kwenye matibabu nchini India , ikiwemo mimi kusafiri kwenda Kwimba Mwanza kwa ajili ya maziko siku ya Jumatatu 01/08/2016.

Najaribu kurekebisha ratiba zangu niweze kwenda Polisi kesho Jumapili 31/07/2016,kwani nimesisitizwa hivyo ingawa sijafahamu naitiwa kitu gani.

Freeman Mbowe

MAANDAMANO YA CHADEMA NCHI NZIMA HATI HATI, MAGUFULI ACHIMBA MKWARA MZITO

Adai hajazuia shuhulizi za kisiasa

Aonya watakaoandamana septemba 1 kukiona

Safari ya Makao Makuu Dodoma, nyumba za serikali Dar kupigwa mnada

Na. Furaha Venance: Manyoni-Singida

Katika muendelezo wa kuhakikisha utawala wake unakuwa wa Hapa Kazi Tu, rais, Dkt. John Pombe Magufuli amewaonya wanasiasa wanaohamasisha maandamo nchi nzima.

Amemtaka Mwenyekiti taifa wa Chadema ambaye pia ni mbunge wa Hai kama anataka kuandamanisha watu akawaandamishe watu wa jimboni kwake.

“Na wapo wengine ambao wanapenda maandamano tu. Na saa nyingine wengine watasema wamezibwa kuzungumza, wakati walipoziba midomo tuliwaruhusu, walipozungumza juzi kuwa watafanya maandamano tumewaangalia. Nchi ni mbili tu, ambazo baada ya uchaguzi watu wanaendelea kufanya kampeni, ni nchi ya Tanzania na Kenya, wakimaliza uchaguzi leo kesho wanaanza kampeni, kampeni zitaisha lini?”

…ninafahamu katika maeneo hapa tuna wabunge, wabunge wanaruhusiwa kufanya mikutano yao, kwenye maeneo yao, bila kuwa na wasiwasi..kwa hiyo kama uko mbunge wa chadema, uko kwenye jimbo lako la Hai, zunguka hai mpaka uchoke, fanya mikutano katika kila kijiji, kila kata..siyo uliache jimbo lako la Hai uende Shinyanga ukaanze kuwaambia waandamane wakati Hai hawataki kuandamana. Kawaandamanishe wa Hai hata usiku na mchana wawe wanaandamana. Wanazunguka ili wakati tutakapokuwa tunavuna wawe wanaandama.”

Sijazuia shughuli za siasa,ila watakaoandama kukiona cha mtema kuni

Rais amewataka wanasiasa waache wabunge katika majimbo yao wafanye kazi, watekeleze yale waliyoyaahidi kuyafanya.

“Ni lazima muelewe sijazuia shughuli za siasa za watu waliochaguliwa, lakini sitaki nchi hii iwe nchi ya vurugu. Watakaoleta vurugu mimi nitawashughulikia kikamilifu bila huruma. Na wasije wakanijaribu, mimi ni watofauti sana na kama wapo watu wanaowatumia wakawaeleze vizuri, mimi sijaribiwi na wala sitajaribiwa…tunataka nchi hii enede mbele…na mimi sitaki mtu yoyote anicheleweshe. Nataka hao wanaotetea maandamano watangulie wao alafu wataona cha mtema kuni. Na mimi nataka watangulie wao hiyo tarehe waliyoipanga.” Alisema rais Magufuli kwa sauti kali na ya kujiamini kuashiria kwamba hatanii na hayuko tayari kuona maandamano hayo.

Ikumbukwe Chadema imetangaza kuwa kuanzia Septemba mosi mwaka huu itakuwa ni siku ya maandamano na mikutano ya hadhara nchi nzima kupitia kinachoitwa Umoja wa Kupinga Udikteta Tanzania (UKUTA). Iliyotangazwa na mwenyeketi wa chama hichO taifa, Freeman Mbowe.

Aviponda vyama vya upinzani

Katika hatua nyingine alitumia mkutano huo kuviponda vyama vya upinzani na kuvifananisha na nyoka aliyejifia huku akitingisha mkia.

“Lakini najua saa zingine unajua ukikutana na nyoka ukimpiga ukamua, mkia lazima atingishe, unaweza kufikiri ni mzima kumbe nyoka ameshakufa, vyam vyenyewe vimechoka…wananchi wameshaona.” Wakati huo huo Rais ameahidi hatawabugua wananchi kwa itikadi za vyama vya siasa atawatumikia wananchi wote bila ya upendeleo.

Akerwa na kodi kandamizi kwa wananchi

Rais alionekana kukerwa na kodi wanazotozwa wananchi na halmshauri zao na kuzitaka halmashauri husika kukaa na kuziangalia namna ya kuziondoa kodi hizo, “Katika kipindi changu ninapenda kodi lakini si kodi za kwa watu wanyonge, si kodi kwa watu masikini. Kodi ambazo zinazowanyanyasa wananchi tuzitoe.” Alisema.

Ashikilia msimamo wa makao makuu kuhamia Dodoma,

Nyumba za serikali Dar es salaam kupigwa mnada

Watakaoshindwa kuhamia Dodoma kukiona

Rais magufuli ameshikilia msimamo wake wa kuhamia Dodoma. Awashangaa wanaokosoa msimamo huo wakidai kuwa Dodoma  miondo mbinu haijakamilika. Katika kuwatoa hofu wananchi Rais amesema miundo mbinu ya imekalika zikiwemo barabara zinazounganisha Dodoma na mikoa mingine, uwanja wa ndege wa kisasa umekamilika na reli ya kisasa itaanza kujengwa mwaka huu.

Katika kuhakikisha hakuna kiongozi wa serikali yake anabaki Dar es salaam, atapiga mnada nyumba zote za serikali zilizo jijini humo na kiongozi atakayebaki huko baada ya yeye kuhamia Dodoma ajue hana kazi.

“Na nataka niwaeleze mara baada ya kuhamia mimi pale yale majengo yote yaliyo Dar es salaam nitayapiga mnada…fedha zile ninazileta Dodoma kwa ajili ya kujenga majengo ya serikali. Na nikishahamia huku yeye bado yuko kuleatabaki kule hana kazi na mshara hamna…ni nchi gani hii ambayo mnatoa maamuzi ya miaka 50 hamtaki kutekeleza, Baba wa taifa alizungumza mpaka ametangulia mbele ya haki sisi hatutekelezi, si mimi. Mimi watahama, watahama na wasiohama wajiandae kuacha kazi…” Alisema.

Amani ya nchi

Amedai kuwa amani ya Tanzania wapo wanaoionea wivu. Alizitolea mfano nchi za Libya, Iraq, Siria na Somalia ambazo zilikuwa nchi za amani lakini baada ya kuchonganishwa na kuanza kupigana wao kwa wao sasa nchi hizo hazina amani tena.

Kuhusu demokrasia alisema demokrasia ya Tanzania inatosha, isimamiwe,ilindwe ili watu waishi kwa amani na kuleta mabadiko katika nchi yao. Aidha liwataka Watanzania kusimama imara kudumisha amani. “Mabeberu wanaimezea mate rasilimali za Tanzania. Naomba msimame imara, Amani hii tulinde na tutafika kwa ajili ya Tanzania mpya.” Alisema Rais Magufuli.

Rais Magufuli alitumia mkutano huo kuwaleza wananchi kuwa mpaka sasa zaidi ya watumishi hewa 12,500 wamebainika na kuondolewa ambao walikuwa wakilipwa mabilioni ya pesa.

Amewataka vijana kujituma kwa kufanya kazi ili wajiletee maendeleo “Nawaomba vijana wajue vya bure vimekwisha. Kila mmoja afanye kazi, dhamira yetu ni maisha mazuri kwa Watanzania.” Alisema Magufuli huku akishangiliwa na wananchi wengi waliofurika katika viwanja vya shule ya msingi Tambukareli wilayani hapa.

Wabunge waomba

Mbunge wa Manyoni Mashariki, Daniel Mtuka aomba gari la zima moto, maji na utatuzi wa migogoro ya ardhi wakati mbunge wa Manyoni Magharibi Yahaya Masale aliomba wilaya mpya ya Itigi.

Wananchi walitarajia majipu kutumbuliwa

Katika hali isiyokuwa ya kawaida wananchi wengi walitegemea katika mkutano huu majipu yatatumbuliwa. Mara baada ya mkutano mwandishi alitembelea vikundi mbalimbali vilivyokusanyika na kujadiliana yaliyojili katika mkutano huo. Wengi walidhani kwamba rais angetumia mkutano huo kutumbua majipu. Inagwa katika mijadala hiyo wengine waliona kuwa hakukuwa na haja ya rais kutumbua majipu wakati karibia viongozi wote wa wilaya kuanzia Mkuu wa Wilaya, Wakurugenzi hadi Madas ni wageni hivyo wanaona  majipu tayari yalishatumbuliwa.

Kusikiliza sauti bofya HAPA

Orodha ya majina ya wanachuo wanaorudi kusoma stashahada maalum ya ualimu (UDOM)

TAARIFA KWA UMMA

| Print |

KUHUSU WANACHUO WALIOKUWA WANASOMA STASHAHADA MAALUM YA UALIMU KATIKA CHUO KIKUU CHA DODOMA 1.0 UTANGULIZI Itakumbukwa kwamba tarehe 28 Mei, 2016 Serikali iliwarejesha nyumbani wanafunzi 7,805 waliokuwa wanasoma Stashahada Maalum ya Ualimu wa Sayansi na Hisabati Chuo Kikuu Dodoma. Hatua hiyo ilichukuliwa kutokana na mgomo wa walimu uliokuwa umedumu kwa takribani wiki 3. Wanafunzi waliosimamishwa masomo walikuwa wamegawanyika katika makundi makuu mawili. Kundi la kwanza lilikuwa ni  wanafunzi 6,595 waliodahiliwa katika Stashahada Maalumu ya Ualimu wa Elimu ya Sekondari na kundi la  pili lilikuwa  na wanafunzi 1,210 waliodahiliwa katika mafunzo ya Stashahada ya Ualimu wa Elimu ya Msingi. 2.0 SIFA ZA KUJIUNGA NA PROGRAMU MAALUM YA STASHAHADA Baada ya hatua ya kuwaondoa wanafunzi chuoni kuchukuliwa, Serikali ilifanyaUchambuzi wa wanafunzi hao kwa lengo la kujiridhisha na sifa zao.  Sifa zilizotakiwa ni ufaulu wa Daraja la I hadi la III na credit mbili au zaidi katika  masomo ya Sayansi na Hisabati.Mchanganuo wa ufaulu wa Kidato cha Nne kwa wanafunzi hao ni kama ifuatavyo: Jedwali Na. 1: Mchanganuo wa wanafunzi kwa ufaulu KUNDI DARAJA JUMLA I II III IV STASHAHADA YA UALIMU WA SEKONDARI 37 354 6183 21 6595 STASHAHADA YA UALIMU WA MSINGI 1 8 1170 31 1210 JUMLA 38 362 7353 52 7805 Chanzo: Baraza la Mitihani Tanzania Jedwali Na. 1 linaonesha kuwa kulikuwa na wanafunzi 52 waliopata Daraja la IV kinyume na matakwa ya Programu ambapo mwanafunzi alitakiwa awe na ufaulu wa Daraja la I – III.  Aidha, uchambuzi zaidi ulifanyika kwa wanafunzi wenye ufaulu wa Daraja la I-III ili kujiridhisha kama wamekidhi kigezo cha kuwa na ufaulu katika masomo mawili kwa kiwango cha C-A. 3.0   UCHAMBUZI WA SIFA ZA WANAFUNZI Uchambuzi wa sifa kwa kuzingatia vigezo vya kujiunga vilivyowekwa umebainisha yafuatayo: 1.    Wanafunzi 6,595 walidahiliwa kusoma programu ya Stashahada Maalum  ya Ualimu wa Elimu ya Sekondari kwa Masomo ya Hisabati na Sayansi.Kati yao,6305 walikuwa na sifa stahiki ambazo ni ufaulu kwa Daraja la I – III na ufaulu kwa kiwango cha gredi C-A katika masomo mawili ya Sayansi. Wanafunzi 4,720 walikuwa mwaka wa kwanza na wanafunzi 1,585 walikuwa mwaka wa pili.  Mchanganuo wa ufaulu wao umeainishwa katika Jedwali Na. 2. Jedwali 2: Ufaulu wa Wanafunziwa Stashahada ya Ualimu Sekondari Waliokidhi Vigezo vya Udahili NA MWAKA WA MASOMO MADARAJA JUMLA I II III 1 Mwaka I 8 126 4586  4720 2 Mwaka II 29 219 1337 1585 JUMLA 37 345 5923 6305 2.    Wanafunzi 290 hawakuwa na sifa za kudahiliwa kwenye Programu maalum ya ualimu wa Shule za Sekondari. Matokeo ya Kidato cha Nne ni kama ifuatavyo: DARAJA JUMLA I II III IV 0 9 260 21 290 Jedwali linaonesha kuwa: a)      Wanafunzi 21 walikuwa na ufaulu wa Daraja la IV wakati walipaswa kuwa na Daraja la I - III; b)      Wanafunzi 269 walikuwa na ufaulu wa kati ya Daraja la I-III (II – 9; III - 260) lakini hawakuwa na Ufaulu wa kiwango cha C-A kwa masomo mawili ya Sayansi. 3.1  Programu ya Stashahada ya Ualimu wa Elimu ya Msingi Uchambuzi wa sifa ulifanyika pia kwa wanafunzi 1,210 waliokuwa wamedahiliwa katika Stashahada ya Ualimu wa Elimu ya Msingi na kubaini yafuatayo: (i)      Wanafunzi 29 wa mwaka wa II walikuwa ni walimu wa shule za msingi ambao walikuwa wamehitimu Kidato cha Nne na kuhudhuria mafunzo ya Ualimu wa Cheti (Daraja la IIIA) ambao walikuwa na uzoefu kazini wa miaka miwili au zaidi. Mchanganuo wa matokeo yao ya Kidato cha Nne umeainishwa katika jedwali lifuatalo: Na KUNDI DARAJA JUMLA I II III IV 1 MWAKA 1 0 0 1 4 5 2 MWAKA 2 1 2 7 14 24 JUMLA 1 2 8 18 29 (ii)    Wanafunzi 1,181 walikuwa ni wahitimu wa Kidato cha Nne ambao mchanganuo wa matokeo yao ya Kidato cha Nne umeainishwa katika Jedwali lifuatalo: S/N KUNDI DARAJA JUMLA I II III IV 1 MWAKA 1 0 4 1011 0 1015 2 MWAKA 2 0 2 151 13 166 JUMLA 0 6 1162 13 1181 4.0  MAAMUZI YA SERIKALI Kufuatia uchambuzi uliofanyika, Serikali imefanya maamuzi yafuatayo: 4.1  Kundi la Stashahada Maalumu ya Ualimu wa Elimu ya Sekondari (i) Kwa kuwa uchambuzi umebainisha kuwa Wanafunzi wenye ufaulu wa Daraja la I na la II ambao pia wamefaulu masomo mawili ya Sayansi kwa kiwango cha C-A ni 382 (mwaka wa I -134 na mwaka wa II - 248), wanafunzi hao ndiyo pekee watakaorudishwa katika Chuo Kikuu cha Dodoma ili wakamalizie mafunzo yao katika Chuo hicho. (ii) Wanafunzi 4,586 wa mwaka wa I wa Programu Maalum ya Stashahada ya Ualimu wa Elimu ya Sekondari waliokidhi vigezo vya ufaulu watahamishiwa katika Vyuo vya Ualimu vya Morogoro, Butimba, Mpwapwa, Songea na Tukuyu kuendelea na masomo yao. (iii) Wanafunzi 1,337 wa Mwaka II watahamishiwa kwenye Vyuo vya Ualimu vya Korogwe na Kasulu kumalizia masomo yao. (iv) Wanafunzi 290 waliokuwa wamedahiliwa kusoma Programu Maalum ya Stashahada ya Ualimu wa Elimu ya Sekondari Masomo ya Sayansi na Hisabati ambao hawana sifa stahiki wanashauriwa kuomba mafunzo yanayolingana na sifa walizo nazo kwenye chuo chochote wanachotaka wao. 4.2 Kundi la Programu ya Ualimu wa Elimu ya Msingi Wanafunzi katika kundi hili hawakuwa sehemu ya program maalum ya kupunguza uhaba wa walimu wa Sekondari wa Sayansi na Hisabati. Walikuwa wanaandaliwa kufundisha shule za msingi wakati lengo la Programu Maalum ilikuwa ni kukabiliana na tatizo za uhaba wa walimu wa Sekondari.  Maudhui ya program waliyokuwa wanasoma hayakuwa sawasawa na yale ya Programu ya Ualimu wa Sekondari wa Sayansi na Hisabati. (v)  Wanafunzi 29 wa mwaka wa II wenye Cheti cha Daraja IIIA waliodahiliwa kusoma Stashahada ya Ualimu wa Shule za Msingi watahamishiwa katika Chuo cha Ualimu Kasulu wamalizie masomo yao kwa gharama zao wenyewe. (vi)  Wanafunzi 1,181 waliodahiliwa kusoma Stashahada ya Kawaida ya Ualimu wa Elimu ya Msingi waombe  mafunzo yanayolingana na sifa walizonazo mahali popote watakapotaka wao. 5.0  GHARAMA ZA MASOMO Serikali itaendelea kuwapatia mikopo wanafunzi watakaorejeshwa UDOM. Aidha, wanafunzi watakaohamishiwa kwenye Vyuo vya Ualimu vya Serikali watapewa mkopo wa kiasi cha Sh. 600,000/= kwa mwaka ambayo ni ada ya Mafunzo ya Ualimu itakayolipwa moja kwa moja Chuoni. 6.0 HITIMISHO (i)  Wanafunzi wote wanaorejeshwa Chuo Kikuu cha Dodoma wataanza masomo mwezi Oktoba 2016. (ii) Wanafunzi watakaohamia katika Vyuo vya Ualimu wataendelea na mafunzo yao mwezi Septemba mwaka 2016. (iii) Wanafunzi wote watatakiwa kuripoti wakiwa na vyeti vyao halisi vya Kidato cha Nne ambavyo vitahakikiwa kabla hawajapokelewa rasmi kwenye vyuo walivyopangiwa. (iv) Majina ya wanafunzi wenye sifa na vyuo walivyopangiwa pamoja na wale wasio na sifa yanapatikana katika tovuti ya Chuo Kikuu cha Dodoma ambayo ni www.udom.ac.tz. IMETOLEWA NA Prof. Joyce Lazaro Ndalichako (Mb) WAZIRI WA ELIMU, SAYANSI NA TEKNOLOJIA 19 Julai, 2016 Orodha yenyewe hii hapa LIST OF SELECTED STUDENT - UDOM (53.28 kB)  LIST OF SELECTED STUDENTS - TEACHER COLLEGES (669.91 kB)  LIST OF NONELIGIBLE STUDENTS (47.38 kB)

WIMBO MPYA WA NAY WA MITEGO 'Pale Kati' WAFUNGIWA

Baraza la Sanaa la Taifa (BASATA) limeufungia rasmi wimbo wa ‘pale kati patamu’ ulioimbwa na msanii Nay wa Mitego kutokana na ukiukwaji mkubwa wa maadili.

Kwa mujibu wa taarifa iliyotolewa kwa vyombo vya habari na Katibu Mtendaji wa BASATA, Godfrey Mngereza ameeleza kuwa msanii huyo amekuwa na tabia na mienendo yenye kuchafua sekta ya sanaa yeye binafsi kupitia kutoa kazi chafu na kufanya maonyesho yenye kukiuka maadili.

“Kazi zake zikikiuka maadili na kudhalilisha utu wa mwanamke sambamba na kutoa lugha za matusi na za kudhalilisha watu wa kada mbalimbali.” alisema Mngereza.

Aliongeza, “Ikumbukwe kwamba BASATA limeshamuita na kumuonya msanii huyu mara kadhaa kutokana na tabia yake ya kutoa kazi zisizokuwa na maadili na aliahidi kubadilika na kuachana na tabia hiyo. Kwa hiyo kuendelea kwake kufanya matukio haya kwa makusudi ni uthibitisho kwamba hajabadilika na kwa maana hiyo ameendelea kuidhalilisha sanaa na wasanii wa kitanzania wenye kujitambua na kuiheshimu kazi ya sanaa kama kazi nyingine. Kwa sasa Msanii huyu ametoa wimbo mwingine wa ambao uko mitandaoni ukipambwa na picha chafu zinazoonesha mwanamke akiwa mtupu yaani uchi wa mnyama.”

Chanzo: Mwananchi

SHULE 10 BORA NA 10 ZILIZOFANYA VIBAYA

SHULE 10 BORA KIDATO CHA SITA 2016 
1. Kisimiri,-Arusha
2. Feza Boys,-Dar es Salaam
3. Alliance Girls,-Mwanza
4. Feza Girls,-Dar es Salaam
5. Marian Boys,-Pwani
6. Tabora Boys,-Tabora
7. Kibaha,-Pwani
8. Mzumbe-Morogoro
9. Ilboru,-Arusha
10.Tandahimba-Mtwara

SHULE 10 ZILIZOFANYA VIBAYA SANA
1. Mpendae-Unguja
2. Ben Bella-Unguja
3. Tumekuja-Unguja
4. Green Bird Boys-Kilimanjaro
5. Jang'ombe-Unguja
6. Kiembe Samaki-Unguja
7. Tanzania Adventist-Arusha
8. Al- Ishan Girls-Unguja
9. Azania-Dar es Salaam
10. Lumumba-Unguja

MATOKEO YA KIDATO CHA SITA MWANZI NA ITIGI SEC HAYA HAPA

Matokeo ya kidato cha sita kwa shule za sekondari Mwanzi Sec. na Itigi Sec bofya link hapa chini.


MWANZI SEC: MATOKEO YA KIDATO CHA SITA 2016

ITIGI SEC MATOKEO YA KIDATO CHA SITA 2016

MATOKEO YA KIDATO CHA SITA (ACSEE) NA UALIMU (DSEE NA GATCE) 2016. HAYA HAPA

Matokeo ya kidato cha SITA 2016 na Matokeo ya UALIMU DSEE na GATCE bofya link zifuatazo hapa chini.



MATOKEO YA KIDATO CHA SITA 2016 link 1

MATOKEO KIDATO CHA SITA 2016 link 2

UALIMU DSEE link 1

UALIMU DSEE link 2

Na GATCE link 1

      GATCE link 2

SHULE 10 BORA NA 10 ZILIZOFANYA VIBAYA HIZI HAPA

VIGEZO VIPYA VYA KUJIUNGA CHUO KIKUU

Mch. PETER MSIGWA ATOA UFAFANUZI KUHUSIANA NA PICHA YAKE NA Dkt. TULIA.

Na. Furaha Venance

Mbunge wa Iringi Mjini, Mch. Piter Msigwa ameandika yafuatayo kuhusiana na picha zilizopigwa akiwa na Naibu Spika Dkt. Tulia.

Picha iliyoibua maswali zaidi ni hii hapa

HABARI PICHA: HATIMAYE ZITTO KABWE AFUNGA NDOA NDOA LEO.

Kitila Mkumbo na Sixtus Mapunda pia walikuwepo

TCU WATOA VIGEZO VIPYA VYA KUJIUNGA NA CHUO KIKUU

TCU yabadilisha vigezo vya kujiunga na Chuo Kikuu kwa ajili ya Shahada, ambavyo vilikuwa vikitumika tangu mwaka 2011. Vigezo vilivyokuwa vikitumika ni mwanafunzi awe amepata principle 2 ambazo ni kuanzia E. kwa sasa mwananfunzi atatakiwa kuwa na principle 2 ambazo sasa zitaanzia D kwa wale waliomaliza kidato cha sita kabla ya mwaka 2014. Waliomaliza mwaka 2014 na 2015 watatakiwa kuwa na principle 2 pia ambazo kwa wao itakuwa ni C na waliomaliza mwaka 2016 wao itakuwa kama waliomaliza kabla ya mwaka 2014 ambao watatakiwa kuwa na principle 2 ambazo ni D.

Vilevile TCU wametoa vigezo kwa wenye diploma na ngazi zingine za elimu. Kusoma masharti na vigezo hivyo bofya HAPA

PITIA HAPA VICHWA VYA HABARI MAGAZETI YA LEO JUMATANO, JULAI 13,2016

Dkt. MWAKA AFUNGIWA NA SERIKALI KUFANYA SHUGHULI ZA KITABIBU

Kituo cha tiba asilia cha Foreplan kinachomilikiwa na Tabibu Juma Mwaka Juma (pichani) kimefungiwa na serikali kwa kukiuka masharti ya kibali alichopewa kwa kujitangaza kuwa anatoa tiba za kisasa badala ya matibabu ya asilia.

Akizungumza na Waandishi wa habari leo jijini Dar es salaamHayo yalisemwa jana na Mwenyekiti Wa Baraza la Tiba Asili na Tiba Mbadala Dkt. Edmund Kayombo wakati akizungumza na waandishi wa habari jiji Dar es salaam. Amesema kuwa kituo hiko kimefutiwa usajili na hakiruhusiwi kutoa huduma za tiba asilia na Tiba mbadala kwa jamii kwa kutokidhi masharti ya usajili na kufanya kazi kinyume cha usajili wake.

Vituo vingine vilivyokumbwa na panga hilo ni pamoja na Tabibu Abdallah Mandai wa Mandai Herval Clinic na kituo cha Fadhaget Sanitarium Clinic kinachomilikiwa na tabibu Fadhil Kabujanja. Vituo vingine vilivyofungiwa kwa miezi sita kila kimoja ni tabibu Simon Rusigwa wa kituo cha Sigwa Herbal Clinic na Tabibu John Lupimo wa kituo cha Lupimo Sanitarium Clinic.

HIKI NDIYO KIKOSI CHA EURO 2016

Mabaki ya Wafilisti yapatikana Israel

Image copyrightAFP

Image captionWatafiti wanasema hilo ni kaburi la kwanza kabisa la Wafilisti kupatikana

Watafiti wa mambo ya kale nchini Israel wamegundua makaburi ya kwanza ya Wafilisti.

Makaburi hayo, yaliyopatikana eneo la Ashkelon, yaligunduliwa mwaka 2013, lakini habari hizo zilifichuliwa Jumapili.

Habari hizi ziliwekwa siri muda huo wote kuzuia kushambuliwa na waandamanaji wa makundi ya Wayahudi wahafidhina ambao hawakutaka makaburi hayo yafukuliwe.

Image copyrightAFP

Image captionMradi wa Leon Levy ulianzishwa miaka 30 iliyopita

Taarifa zinasema ugunduzi huo huenda ukafichua mengi kuhusu asili ya Wafilisti ambao wamezungumziwa sana katika vitabu vya kidini.

Mafanikio hayo yalitokea mwisho wa mwaka wa 30 wa uchimbaji ulioongozwa na kundi la Leon Levy Expedition.

Viongozi wa uchimbaji huo wanasema walipata makaburi yaliyozingirwa na manukato, vyakula, mapambo, vito na silaha.

Yanadaiwa kujengwa na kutumiwa kati ya karne ya 11 na karne ya 8 kabla ya kuzaliwa kwa Yesu.

Image copyrightAFP

"Baada ya kutafiti kuhusu Wafilisti kwa miongo mingi, hatimaye tunaweza kuwatazama,” anasema mmoja wa wanaakioloiia hao Daniel M Master.

“Kwa ugunduzi huu, tunakaribia kubaini siri za asili yao.”

Wanaakiolojia hao sasa wanafanya uchunguzi wa DNA pamoja na uchunguzi wa miale ya ukaa kubaini watu hao waliishi wakati gani.

Image copyrightREUTERS

Image captionProfesa Lawrence E. Stager ni mmoja wa wanaoongoza utafiti huo

Watafiti hutofautiana kuhusu asili ya Wafilisti, baadhi wakiamini walitoka Ugiriki, wengine visiwa vya Crete au Cyprus na wengine eneo la Anatolia nchini Uturuki.

Wafilisti huoneshwa katika Biblia kama maadui wakuu wa Waisraeli, na inadhaniwa walihamia Israel kutoka maeneo ya Magharibi karne ya 12 kabla ya kuzaliwa kwa Yesu.

Image copyrightAFP

Anayefahamika zaidi ni Goliath, mpiganaji ‘jitu’ ambaye kwa mujibu wa Biblia, aliuawa na Daudi kabla yake kuwa Mfalme wa Waisraeli.

Katika Biblia, wanaoneshwa kama watu wakatili lakini mabaki yaliyopatikana yanaonekana kuashiria kwamba walikuwa na ustaarabu fulani.

Chanzo: BBC

ZITTO AMVAA KATIBU MKUU KIONGOZI UTEUZI WA WAKURUGENZI

Barua yenyewe hii hapa chini 

MAJINA YA WAKURUGENZI WA HALMASHAURI ZA MAJIJI, MANISPAA, MIJI NA WILAYA HAYA HAPA

JAMHURI YA MUUNGANO WA TANZANIA

KURUGENZI YA MAWASILIANO YA RAIS IKULU

Simu : +255-22-2114512, 2116898

Email : press@ikulu.go.tz

Tovuti : www.ikulu.go.tz

Faksi : 255-22-2113425

OFISI YA RAIS,

IKULU,

1 BARABARA YA BARACK OBAMA,

11400 DAR ES SALAAM,

TANZANIA

Rais wa Jamhuri ya Muungano wa Tanzania Dkt. John Pombe Magufuli leo tarehe 07 Julai, 2016 amefanya uteuzi wa wakurugenzi wa halmashauri za majiji 5, Manispaa 21, Miji 22 na Wilaya (DC) 137 za Tanzania Bara.

Uteuzi huo umetangazwa na Katibu Mkuu Ofisi ya Rais, Tawala za Mikoa na Serikali za Mitaa (TAMISEMI) Mhandisi Mussa Iyombe ambapo kati ya wakurugenzi wote 185 walioteuliwa, 65 wameteuliwa kutoka orodha ya wakurugenzi wa zamani na 120 ni wakurugenzi wapya.

Orodha ya wakurugenzi walioteuliwa kulingana na mikoa yao ni kama ifuatavyo;

ARUSHA

1. Arusha Jiji                              -           Athumani Juma Kihamia
2. Arusha DC                            -           Dkt. Wilson Mahera Charles
3. Karatu DC                             -           Banda Kamwande Sonoko
4. Longido DC                          -           Jumaa Mohamed Mhiwapijei
5. Meru DC                               -           Kazeri Christopher Japhet
6. Monduli DC                         -           Stephen Anderson Ulaya
7. Ngorongoro DC                   -           Raphael John Siumbu

DAR ES SALAAM

1. Dar es salaam Jiji                  -           Siporah Jonathan Liana
2. Kinondoni Manispaa           -           Aron Titus Kagurumjuli
3. Temeke Manispaa               -           Nassibu Bakari Mmbaga
4. Ilala Manispaa                      -           Msongela Nitu Palela
5. Kigamboni Manispaa           -           Stephen Edward Katemba
6. Ubungo Manispaa               -           Kayombo Lipesi John

DODOMA

1. Dodoma Manispaa              -           Dkt. Leonard M. Masale
2. Kondoa DC                          -           Kibasa Falesy Mohamed
3. Kondoa Mji                           -           Khalifa Kondo Mponda
4. Mpwapwa DC                       -           Mohamed Ahamed Maje
5. Kongwa DC                           -           Mhandisi Ngusa Laurent Izengo
6. Chemba DC                          -           Semistatus Hussein Mashimba
7. Chamwino DC                      -           Athuman Hamis Masasi
8. Bahi DC                                -           Rachel Marcel Chuwa

GEITA

1. Bukombe DC                       -           Dionis Maternus Nyinga
2. Chato DC                              -           Mhandisi Joel Bahahari
3. Geita DC                               -           Ally Abdallah Kidwaka
4. Geita Mji                                -           Modest J. Apolinaly
5. Mbogwe DC                          -           Mahwago Elias Kayandabila
6. Nyang'wale DC                     -           Carlos K. Gwamagobe

IRINGA

1. Iringa Manispaa                   -           William Donald Mafwele
2. Mafinga Mji                           -           Saada S. Mwaruka
3. Mufindi DC                          -           Riziki Salas Shemdoe
4. Iringa DC                              -           Robert Mgendi Magunya
5. Kilolo DC                              -           Aloyce Kwezi

KAGERA

1. Biharamulo DC                    -           Wende Israel Ng'ahala
2. Bukoba DC                          -           Abdulaaziz Jaad Hussein
3. Bukoba Manispaa               -           Makonda Kelvin Stephen
4. Karagwe DC                          -           Godwin Moses Kitonka
5. Kyerwa DC                            -           Shedrack M. Mhagama
6. Missenyi DC                         -           Limbe Berbad Maurice
7. Muleba DC                           -           Emmanuel Shelembi Luponya
8. Ngara DC                              -           Aidan John Bahama

KATAVI

1. Mlele DC                               -           Alex Revocatus Kagunze
2. Mpimbwe DC                       -           Erasto Nehemia Kiwale
3. Mpanda DC                          -           Ngalinda Hawamu Ahmada
4. Mpanda Manispaa               -           Michael Francis Nzyungu
5. Nsimbo DC                           -           Joachim Jimmy Nchunda

KIGOMA

1. Buhigwe DC                          -           Anosta  Lazaro Nyamoga
2. Kakonko DC                                    -           Lusubilo Joel Mwakabibi
3. Kasulu DC                            -           Godfrey Msongwe Masekenya
4. Kasulu Mji                             -           Fatina Hussein Laay
5. Kigoma Ujiji - Manispaa      -           Judethadeus Joseph Mboya
6. Kigoma DC                           -           Hanji Yusuf Godigodi
7. Kibondo DC                         -           Shelembi Felician Manolo
8. Uvinza DC                             -           Weja Lutobola Ng'olo

KILIMANJARO

1. Manispaa ya Moshi              -           Michael Nelson Mwandezi
2. Hai DC                                  -           Yohana Elia Sintoo
3. Siha DC                                 -           Valerian Mwargwe Juwal
4. Same DC                               -           Shija Anaclaire
5. Mwanga DC                          -           Golden A. Mgonzo
6. Rombo DC                            -           Magreth Longino John
7. Moshi DC                             -           Emalieza Sekwao Chilemeji

LINDI

1. Kilwa DC                               -           Bugingo I. N. Zabron
2. Lindi DC                               -           Samwel Warioba Gunzar
3. Lindi Manispaa                    -           Jomaary Mrisho Satura
4. Liwale DC                             -           Justine Joseph Monko
5. Nachingwea DC                    -           Bakari Mohamed Bakari
6. Ruangwa DC                         -           Andrea Godfrey Chezue

MANYARA

1. Babati Mji                              -           Fortunatus Hilario Fwema
2. Hanang DC                           -           Bryceson Paul Kibasa
3. Mbulu DC                             -           Festi Fungameza Fwema
4. Mbulu Mji                             -           Anna Philip Mbogo
5. Simanjiro DC                                    -           Yefred Edson Myezi
6. Kiteto DC                              -           Tamim Kambona
7. Babati DC                             -           Hamis Iddi Malinga

MARA

1. Manispaa ya Musoma         -           Fidelica Gabriel Myovela
2. Bunda DC                             -           Amos Jeremiah Kusaja
3. Bunda Mji                             -           Janeth Peter Mayanja
4. Butiama DC                          -           Solomon Kamlule Ngiliule
5. Musoma DC                         -           Flora Rajab Yongolo
6. Serengeti DC                         -           Juma Hamsini Seph
7. Rorya DC                              -           Charles Kitanuru Chacha
8. Tarime DC                            -           Apoo Castro Tindwa
9. Tarime Mji                            -           Hidaya Adam Usanga

MBEYA

1. Busokelo DC                                    -           Eston Paul Ngilangwa
2. Chunya DC                           -           Sofia Kumbuli
3. Kyela DC                               -           Mussa Joseph Mgata
4. Mbarali DC                           -           Kivuma Hamis Msangi
5. Mbeya DC                             -           Ameichiory Biyengo Josephat
6. Mbeya Jiji                               -           Zacharia Nachoa Ntandu
7. Rungwe DC                           -           Loema Isaya Peter

SONGWE

1. Momba DC                           -           Adrian Jovin Jungu
2. Tunduma Mji                       -           Valery Alberth Kwemba
3. Mbozi DC                             -           Edna Amulike Mwaigomole
4. Ileje DC                                 -           Haji Mussa Mnasi
5. Songwe DC                           -           Elias Philemon Nawela

MOROGORO

1. Gairo DC                              -           Agnes Martin Mkandya
2. Kilombero DC                      -           Dennis Lazaro Londo
3. Ifakara Mji                            -           Francis  Kumba Ndulane
4. Kilosa DC                              -           Kessy Juma Mkambala
5. Morogoro DC                      -           Sudi Mussa Mpili
6. Morogoro Manispaa                       -           John Kulwa Magalula
7. Mvomero DC                       -           Florent Laurent Kyombo
8. Ulanga DC                            -           Audax Christian Rukonge
9. Malinyi DC                            -           Marcelin Rafael Ndimbwa

MTWARA

1. Mtwara DC                                       -           Omari Juma Kipanga
2. Mtwara Mikindani Manispaa         -           Beatrice Dominic Kwai
3. Masasi Mji                             -           Gimbana Emmanuel Ntayo
4. Masasi DC                            -           Mkwazu M. Changwa
5. Nanyumbu DC                     -           Hamis Hassan Dambaya
6. Newala DC                            -           Mussa Mohamed Chimae
7. Newala Mji                            -           Andrew Frank Mgaya
8. Tandahimba DC                  -           Said Ally Msomoka
9. Nanyamba Mji                      -           Oscar Anatory Ng'itu

MWANZA

1. Mwanza Jiji                            -           Kiomoni Kibamba Kiburwa
2. Ilemela Manispaa                 -           John Paul Wanga
3. Kwimba DC                          -           Pendo Anangisye Malabeja
4. Magu DC                               -           Lutengano George Mwalwiba
5. Misungwi DC                                    -           Eliud Leonard Mwaiteleke
6. Ukerewe DC                         -           Tumaini Sekwa Shija
7. Buchosa DC                         -           Crispian Methew Luanda
8. Sengerema DC                     -           Magesa M. Boniphace

NJOMBE

1. Njombe Mji                           -           Iluminata Leonald Mwenda
2. Makambako Mji                  -           Paul Sostenes Malala
3. Makete DC                           -           Francis Emmanuel Namaumbo
4. Njombe DC                          -           Monica Peter Kwiluhya
5. Ludewa DC                           -           Ng'wilabuzu Ndatwa Ludigija
6. Wanging'ombe DC              -           Amina Mohamed Kiwanuka

PWANI

1. Bagamoyo DC                      -           Azimina A. Mbilinyi
2. Chalinze DC                         -           Edes Philip Lukoa
3. Kibaha DC                            -           Tatu Seleman Kikwete
4. Kibaha Mji                            -           Jenifer Christian Omolo
5. Kisarawe DC                         -           Mussa L. Gama
6. Mafia DC                              -           Erick Mapunda
7. Mkuranga DC                      -           Mshamu Ally Munde
8. Kibiti DC                               -           Alvera Kigongo Ndabagoye
9. Rufiji DC                               -           Salum Rashid Salum

RUKWA

1. Kalambo DC                         -           Simon Ngagani Lyamubo
2. Sumbawanga DC                  -           Nyangi John Msemakweli
3. Sumbawanga Manispaa       -           Hamid Ahmed Njovu
4. Nkasi DC                              -           Julius M. Kaondo

RUVUMA

1. Mbinga DC                           -           Gumbo Samanditu Gumbo
2. Mbinga Mji                            -           Robert Kadaso Mageni
3. Namtumbo DC                     -           Christopher Michael Kilungu
4. Nyasa DC                              -           Oscar Albano Mbuzi
5. Songea DC                            -           Simon Michael Bulenganija
6. Madaba DC                          -           Shafi Kassim Mpenda
7. Tunduru DC                                    -           Abdallah Hussein Mussa
8. Songea Manispaa                 -           Tina Emelye Sekambo

SHINYANGA

1. Kishapu DC                          -           Stephen Murimi Magoiga
2. Msalala DC                           -           Berege Sales Simon
3. Shinyanga DC                       -           Mark Emmanuel Malembeka
4. Kahama Mji                          -           Anderson David Msumba
5. Shinyanga Manispaa                        -           Lewis Kweyemba Kalinjuna
6. Ushetu DC                            -           Michael Augustino Matomola

SIMIYU

1. Bariadi DC                            -           Abdallah Mohamed Malela
2. Bariadi Mji                            -           Melkizedek Oscar Humbe
3. Itilima DC                              -           Mariano Manyingu
4. Maswa DC                            -           Fredrick Damas Sagamiko
5. Busega DC                            -           Anderson Njiginya
6. Meatu DC                             -           Said F. Manoza

SINGIDA

1. Ikungi DC                             -           Rustika William Turuka
2. Iramba DC                            -           Linno Pius Mwageni
3. Mkalama DC                                    -           Martin Msuha Mtanda
4. Manyoni DC                         -           Charles Edward Fussi
5. Itigi DC                                  -           Luhende Pius Gerald
6. Singida DC                            -           Rashid Mohamed Mandoa
7. Singida Manispaa                 -           Kizito L. Brava

TABORA

1. Igunga DC                             -           Revocatus Lubigili Kuuli
2. Kaliua DC                             -           John Marco Pima
3. Nzega DC                              -           Jacob James Mtalitinya
4. Nzega Mji                              -           Phillimon Mwita Magesa
5. Sikonge DC                           -           Simon Saulo Ngatunga
6. Tabora Manispaa                -           Bosco Addo Ndunguru
7. Urambo DC                          -           Magreth Nakainga
8. Tabora -Uyui                                    -           Hadija Maulid Makuani

TANGA

1. Tanga Jiji                                -           Daudi R. Mayeji
2. Korogwe DC                         -           George John Nyaronga
3. Korogwe Mji                         -           Jumanne Kiangoshauri
4. Muheza DC                          -           Luiza Osmin Mlelwa
5. Handeni Mji                         -           Keneth K. Haule
6. Handeni DC                         -           William Methew Mafukwe
7. Pangani DC                           -           Sabas Damian Chambasi
8. Mkinga DC                           -           Mkumbo Emmanuel Barnabas
9. Bumbuli DC                         -           Peter Isaiah Nyalali
10. Kilindi DC                             -           Clemence Andagile Mwakasenda
11. Lushoto DC                          -           Kazimbaya Makwega Adeladius

Wakurugenzi wote walioteuliwa wanatakiwa kufika Ikulu Jijini Dar es salaam siku ya Jumanne tarehe 12 Julai, 2016 saa tatu asubuhi kwa ajili ya kula kiapo cha ahadi ya uadilifu kwa viongozi wa umma.

Gerson Msigwa

Kaimu Mkurugenzi wa Mawasiliano, IKULU

Dar es salaam

07 Julai, 2016

MAREKEBISHO

ZITTO AMVAA KATIBU MKUU KIONGOZI UTEUZI WA MaDED

ORODHA YA WAKUU WA WILAYA

ORODHA YA MaDAS