Nakaaya Sumari
MSANII, Nakaaya Sumari, amesema kuwa anajuta kurudisha kadi ya Chama cha
Demokrasia na Maendeleo (CHADEMA) na kujiunga na Chama Cha Mapinduzi (CCM).
Akizungumza na Clouds FM, Nakaaya ambaye anatarajia kujifungua muda si mrefu,
alisema kuwa anajutia uamuzi wake huo, japo watu wanafikiri kuwa alipewa pesa
ili ahame CHADEMA.
“Moja ya vitu ninavyojutia ni kurudisha kadi yangu ya CHADEMA na kuingia CCM,
najua ‘nimebugi’, lakini si kama watu wanavyoongea kuwa nilipewa hela, kama
nilipewa hela si saa hii ningekuwa nakula bata, lakini wapi! Mi sijapewa hela,”
alisema.
Msanii huyo aliongeza kuwa aliingia kwenye siasa kutokana na ushawishi wa
watu, hasa kwa sababu ya kibao chake cha ‘Mr. Politician’.
“Watu wasiongee sana, maana hawajui kwanini nilihama CHADEMA, wanajuaje, je,
kama nilitishiwa au vitu vingine kama hivyo...najua hapo nilibugi sana kuhama,”
alisema.
Aidha, alisema kuwa, baada ya kujikita katika siasa, aliona inamchanganya na
kuona hiyo si sehemu yake kutokana na siasa kuwa mchezo mchafu.
Chanzo: Tanzania Daima
No comments:
Post a Comment